Seite 180

Georg Christian Friedrich Lisch; Matthäus David : Glockengießer In: Jahrbücher des Vereins für Mecklenburgische Geschichte und Altertumskunde, Band 42 (1877), S. 180-181

Glockengießer.

Matthäus David, Bürger zu Rostock bietet dem Rathe von Lübek seine Dienste als Glockengießer an.
Rostock. 1464. Octbr. 22.

Mynen willigben denst to juwer erwerdighen beheghelicheyd. Erwerdighen leuen heren, my is to wetende worden, wo gy ghebreck hebben an juwer besten klocken een to vnser leven Vrouwen myt juw vnde dar enes meysters to behof hebben etc. So do ik juwer erwerdicheyd to wetende, were id juw to willen, so wolde ik juw myt der hulpe godes dar ynne denen, de klocken. wedder to ghelende, dat gy my dancken scholden, vnde wolde juw ene klocke gheten, de juw beheghelik scholde wesen van lude vnde van formen, wo gy se van stemmen hebhen wolden by de andere, ene note hogher ofte syder, dat se concorderden. Bouen alle wen de klocke rede were vnde were so nicht van lude vnde van formen, so vor screuen steyd, so en wolde ik nicht enen pennynck van deme godeshuse to lone hebben, wente ik my in anderen steden in sodane arbeyde bewyset Iiebbe, dar ik ere tuchnysse in open beseghelden breuen vp hebbe, also benomelken to Reuel, to der Parnouwe vnde to Wenden alle in Lyflande begegnen, dar ik klocken ghegoten hebbe van xxx vnde van xxiiij schippunde vnde ok van xvj etc. Ok in dessen landen to Vredelande, to Witstok, to Pryswalk vnde ok to der Wilsnacke, ok to der Nygenstad in deme lande to Mekelenborch, dar ik ok klocken ghegoten hebbe van xxvj schippunden van xx vnde van xvj, also gy dit in eren openen beseghelden breuen wol seende werden, is dat wy to samende komen etc. Leuen erwerdighen heren, wes juw hyr ane to willen is, dat vorscryuet my. Hyrmede syt gode beuolen to syme denste. Screuen to Rotzstock, des mandaghes na der xi[h]m juncvrouwen daghe in deme lxiiij jare vnder myme inghesegel.

Mattheus Dauyd            
borgher to Rotzstok.         

Nach dem Original im Lübischen Archive mitgeteilt vom Staatsarchivar Dr. Wehrmann zu Lübek.

Seite 181

Diese seltene und merkwürdige Urkunde ist für die Kulturgeschichte von großer Wichtigkeit. Sie wird hier ohne weitere Bemerkungen mitgetheilt, da sich solche schwer machen lassen. Von Bedeutung würde es sein, wenn sich von den in der Urkunde aufgeführten großen Glocken noch die eine oder andere entdecken ließe. - Ueber alte Glocken in Meklenburg vgl. Jahrb. XL, S. 195-204, und früher in den Jahrbüchern an vielen Stellen, nach dem vierten Register, 1806, S. 510. G. C. F. Lisch.

---