|
Seite 21 |
|
|
|
:
|
Nochmals
Die Kapelle zum Heiligen Moor.
(Vergl. Quartalbericht I, S. 7 und 8.)Von F. v. Meyenn.
Gleich nachdem der vorige Quartalbericht die Presse verlassen hatte, wurde die nachstehend abgedruckte Urkunde über die Kapelle zum Heiligen Moor im hiesigen Archiv aufgefunden.
1514. Jan. 9. Heiligen Moor.
Dietrich Peke, Priester zu Heiligen Moor, an den Ritter Henning v. Halberstadt zu Cambs "von wegen etzlicher Pechte, die jme durch die Tune jn Gnewitz vorpfant sind, vnd nu die Zcepelin jne die loskundung darvff gethan."
(Nach einem Vermerk auf der Rückseite.)
Minen willigen fruntliken dinst vnde ynnige bedt an godt den hern alle thouornn. Erbare duchtighe vnde ghestrenge leue ern Hennigk. Villichte is jwer strengheit wol jndechtich vnde bowust, alto handt gy de ghuder to Czepelin hadden jngenamen, jwe strengheit my fragede, efte ick etlike boringe vnde pechte to borende hadde jm dorpe to Gnewetze, de dat slechte der Tune vorsettet hebben mynen vorfarde thom leene thom Hilligenmor bolegen, dat ick nu tor tyt bositte, dat ick dat woll jwer erbarheit vnde strengheit sede, dath myn breff vnde segell so jnholt, dat ick de boringe hebben van den Thunen vnde nicht van den Czepelinen; so ock jck nu vorghangen ymm samer myt jwer strengheit sede vnde handelde van deme suluen handel to Tessin, alzo myn g. h. den vaget Oesten af settede, dar my datt mall jwe erbarheit sede, gij wolden my dar jnne boschermen vor de Czepeline vnde ock sede gij my furder, ick scholde de Czepeline nicht tor losinge staden. So, ghestrenge leue ern Henningh, foge ick jw weten, dat my de Czepeline hebben de pechte bohindert vnde den luden vorbaden, jck scal van en boren den houetstol. So, gestrenge leue ern Henningk, bofruchte ick my vnwillen vnde
|
|
Seite 22 |
|
schaden dar an, wen ick den houetstol van den Czepelinen vp bor e de nach dem male mynen vorfarde vnde my van den Thunen vorsettet is, vnde alzodenne jwer strengheit mochte de egendom tokamen, wol kan ick dar nicht vor, auer nachdeme jdt myn pandt is, so modt ick mynen houetstol boren wen my to rechten (?) tiden to secht werdt, alzo myn breff mede bringet vp (?) sunte Merten vnde de tidt is vor by vnde buthen tides, so ghedencke ick my to holden na lude mynes brefs vnde wil my dar nicht van geuen. So, gestrenge leue er Henningk, bidde ick denstliken vnde demodigen, jwe strengheit willet dar nu up dessen vmmeslagh myt den Czepelinen vmme spreken, wo ick myne boringe moge furder boren vnbohindert, vnde willet my dar an boschermen, so ich jwer erbar vnde strengheit wol to truwe vnde willen dat len van gade vnde der hilgen juncfrowen sunte Katherinen nemen. Des, leue er Henningk, bidde ick van jwer ghestrengheit myt dessen suluen baden eyn scriftlik antworde, wor ick my na richten schal. Dar mede gade selich vnde sundt myt langer wolfart boualen. Datum Hilgemor, anno dmni. etc. xiiijº, amm mandage na der hilligen dre koninge.
|
Her
Didericus Peke,
thom Hilgemor, jwe gutwillige. |
Deme erbarnen duchtighen geverten vnde ghestrengen ritter hern Henningk van Haluerstadt to Camptze erfz[eten], mynem leuen juncker vnde bosundern ghunner denstliken vnde demodigen gescr[euen].