|
Seite 91 |
|
|
|
:
|
IX.
Tagebuch
über
den Reichstag zu Regensburg 1532,
mitgetheilt
von
G. C. F. Lisch
Nigedtidinge ßo to Regensborch vorgelopen
I tem am 15 in Julio fynth hyr dorch getagen III fenlin knechte, quemen vthe dem lande tho Wirtenberch.
Item diffuluygen dages voren ock II fenlin knechte de Dunow dael vor der stadt auer.
Item noch III fenlin knechte vthe dem badenße togen dar dorch.
Item Ke. Mtt. hefft XX M Spanniolin vnde Italianer tho vote vnde II M to perde, diefuluigen lude dorch des artzebiscuppes von Saltzborch, biscup van Passow, hertogen van Beygerenn lande passirnn zu lathenn, hefft Ke. Mtt. an difuluigen heyn gheschreuen.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 20 in Julio frech ick egentliche kuntschaft, dat Ke. vnde Koninglike Mtt. by eyn ander worden, hebbenn III mael hundert dußent, XXIIII dußent mhan.
Item am 22 in Julio is die Romische koniug myth der koninginnen vnde ehren Junckfruwen to dem kaißer in dath bath gereden, vm affchet vnde vorloff tho nemende. Alße sie widerumme van dar togenn, is Ke. Mtt. myth ohn to Regensborch geredenn vnde de koninginne vor dat pallaß gebrachtvnde widerumme nha dem bade geredenn.
|
|
Seite 92 |
|
Item am 26. Julii synth an Keye. vnde Koniglichlike Mtt. Wissze tidinge ghekamen, wo des Turcken beyde auerste houetlude alße Inbrahim Bassa vnde Machumet Bech myth IIł M schepe tho Ouen ingekamen vnde dat floeth van dem houethman myth ohrer gwarden ingenamen.
Item deffuluigen dages is Ke. Mtt. die Dunow dael tho Regensborch ingekamen.
Don suluest quemen hyr tydinge, wo des feyßers vnde koninges sold in Hungeren denn Turckenn bauen IIII M mhan affgeslagen vnde ohn den Turckenn vele dußend houedt quekes grodt vnde fleyn genamen.
Item die Turcke ligt vp gunne fyth Quen.
Item am 27 in Julio hefft Marckgraue Jurgenn van Norenberg syne knechte hyr durch geschycketh. Dessuluigen bages synth hyr vele knechte by I, II C , LXX, LXXX dorch gegan, wo fast alle dage schuth.
Item vppe den auenth tho IIII slegenn hefft Ke.
Mtt. alle Stende vppe dath Rathus (welches ganß
tapper myth gulden stuckenn vnde andern schonen
tapeten vth staffirct, eyn vor den keißer, eyn
vor den koning,) boschedenn. Vm feygers V synth
vor dem kaißer vnde Romischen koninge her
getagenn alle spanniotischen hern ganz prengisch
vnde staetlich, dar nha die beyden Sceptern oder
sulen, her Hans van Planitze, des Churfursten
gheschickede van Sasszenn forde dat swert, alle
tho perde. Alße ohre Mtt. vppe dath Radthus
quemen, gyngen sie strax sittenn, wo ock
Churfursten vnde fursten Rethe eyn jeder in
syner Session. Dar nha hefft Doctor Mathias eyne
kleine Rede gedann, alße dath Ke. Mtt.
Churfursten, fursten vnde derselbigen gesantten
gnedige dancksagunge gedan, dath sich
dieselbigen sich alße ghehorsamelich ertoget
vnde vff dem Ridsdach erschenen vnde neuenst
ohre Mtt. flitigestes Inßenth ghehath, das alle
dynck to eynem guden beflute gekamen vnde
vullentagen. Dewyle nhu derselbige affschit
gefertiget vnde versegelt, waren ohre Mtt.
denselbigen offintlich leßen tho latende bedacht
. Dar nha ns van einem virkanten
betapeten disck, dar by Doctor Casparus
Wischausen, Mensische Cantzeler, Doctor
Valentinus Tetline (?) vnde Doctor Laurens
gesetenn, Doctor Wishausen vp gestanden vnde
eyne Copie ader affcryfft in fyuen henden gehath
vnde Doctor Laurens dath original vorsegelt vnde
den asschith offentlich daruth geleßen, welker
wol yn de drudde stunde ghewaret. Alße nhu
desuluige asschidt geleßenn, hefft ouermals
Doctor Mathias vth beuel Ke. Mtt. III puncte den
stenden offentlich vorgedragen. Erstlich wo sich
todragende worde, dath ohre Mtt. nha dem Tur=
|
|
Seite 93 |
|
ckentoge widerumme in Hispanien fick geuende
worbe, dath alße denne Churfursten, fursten vnde
gemeyne Stende dem erwelten gekronten Romischen
koninge ohrem fken. leuen broder alße
Stadthalter gehorßam leisten
. Tom andern wolden ohre Mtt. sich
vorßen, dat Churfursten, fursten vnde Stenbe ben
affschit alßo wo beslaten, vorsegelt vnde
bewilliget vastichlich holden worden vnde in
alten bewilligten fick ghehorsamlich ertogenn
vnde by ohren hern Churfursten vnbe fursten
verschaffen, dat de Turckenhulffe vppe dath
iligiste synen vortganck muge ghewynnen. Tom
brudden diewhle ber prosandtmeister halnen noch
nichtes egentlichsks beslaten vnbe dasselbige
ohre Mtt. togestellet, ßo hadde ohre Mtt. myth
dem biscup van Passow ghehandelt, ock handeln
lasszenn, in touorsicht, datsuluyge tho
beholdende, wo auerst nycht, dath alße denne
Churfursten, fursten vnde Stende dar tho neuenst
syne Mtt. muchten gedencken, datsuluige ohren
Churfursten vnde fursten antogen vnde widerumme
Ke. Mtt. eyn scrifftlich anthwerth tostellen,
damyt sich Churfursten, furften bodescup
vnterredet vnde nach vnderredinghe dorch den
Mensischen Cantzeler Caspar Wißhaußen anthwerth
geuen lathcn vnde die article in scryfft
tostellende gebedenn, alße denne wolden
Churfursten, fursten bodescup desuluigen ohren
Chur= vnde fken. gnaden tostellen. Dar nha synth
ohre Mtt. beide wedder vp gestanden vnde nha dem
pallassz geredenn, [ouerst de artickel synt
nycht in scyfft gestellet worden]
1
).Item des
anderen dages alße Sondages am 28 in Julio hefft
Ke. Mtt. eyn statlike processie im dome
thorichten lathenn myth allen geystlichen, ßo in
der Stabs tho Regenßborch, vnde dath koer myt
schonen gulden stucken vnde andern tapeten
behengen taten, ock dath lectrum. Vm sygers VIII
is Ke. Mtt. myth synem broder dem Romischen
koninge vnde bem jungen prynß tho Dennemarken
vthe dem pallaß gereden in statlyler ordeninge,
alle spanniolische heren vor her, dar nha die
beyden Columnen odder sceptra (ouerst dat swerth
worth nycht gheuoret, indeme her Hans van
Planitze euangelisch vnde de her van Papenheym
nycht tor stede, sunder myt krankheyt beladen);
dar nha toch de junge prynß van Dennemarcken,
dar nha keyßer vnbe koning, dar nha warth
Campegius gedragen, dar nha orator pontificis
Pimpinellus myt dem archiepiscopo Barensi vth
Hispanien, dar nha episcopus Cameracensis myt
vilen andern spanniolischen Biscuppen vnde
Magnaten. Alße nhu
|
|
Seite 94 |
|
ohre Mtt. in den Dom quemen, gyngen ohre Mtt. vorth vppe dat lectrum. In dem stich vppe dem predickstoel eyn swart monnick prediker ordens, eyn vast wol gheschickede mhan, sede erstlich dat Euangelium myt eyner korten vtlegginge, dar nha worumme Ke. Mtt. dat hilike ampt vnde processie angestellet, alße dewyle vnßer alle Erbsigendt stark myt aller macht vp, Hungern vnde gantz dusche nation auertotende vnde dat Cristen bloeth to uordelgende, were syn Mtt. sampt Romische Ke. Mtt. synem broder, Churfursten, furften vnde gantze Rathe demselbigen Erbsigendt widertostreuende bedacht, welkes ohre Mtt. nycht vth ohrer macht ader ghewaldt to donde moglich hedden, verhaluen ßodane ampte vnde processie angestellet, den almechtigen vm fyne gnade to gunde antoropende, daryn fick eyn jeder Schulde beflitigen. Na dem ßermone synth alle ampte bynnen Regensborch myth ohren bomen, lichten, sanen vorher vth der kerken gegan; dar nha folgeden die Augustiner, dar nha die Minores, praedicatores, Benedictiner, dar nha de heren van sunte Emernn, dar nha volgeden Scholer vnde alle prester vnde domherenn, dar nha des keysers senger, dar nha alle spanniolischen, hungerschen, bemischen heren, eyn jeder myth eyner torße, dar na Elemosinarii, Lefiten und Episcopi, Archiepiscopi, dar nha de beyden Columnen ader sceptra. Vppe der fiden der processien gyngen alle k. vnde ko. Mtt. Drabanten. De borgermeister vnde Radspersonen drogen die pawlun ader den himel; dar by her gyngen borgermeisters, radtlude, myt sundergen stocken versuluert. Cristophorus Welßer, domprawest tho Regensborch, droch dat Sacramenth; dar by gyngen duck de Alua, eyn spanniol, vnde prynß van salern vth Neapolis. Dar nha volgeden Ke. vnde Konyncklyk Mtt. blotes houedes myt witten tortzen. Dar nha gynck de junge prynß van Dennemarken, ock myth einer witten tortzen. Dar na de anderen groten huße vnde gesanten. Bthe dem Dome wente to sunte Emeran, ns eyne schone abdie, darynne vele reliquien, dar hildt mhen die statie wol eyne halue stunde. De gantze statie auer seten ohre Mtt. myth volden henden vor dem sacramenth. Alße de statie vthe waß, gyngen ße in den dom, dar warth die homisse angehauen, dar musten alle religioßen vnde werlick prestere celebriren (?) vnde bliuen, ßo lange die misse vth waß, wente tho eyns nha der Maltidt.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item des mandages leth Ke. Mtt. einen ouerlenber dat houet affslan, de grep den prester an vppe der gaffsen,
|
|
Seite 95 |
|
alße he gynck myth dem sacramente to den franken, vnde sede:
Wo dreghet du dinen godt ßo laster(lich)? De spanniolen, ßo dem sacramente nauolgeden, flogen ehm erstlich wol by dem prester.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am lesten Julii ys de graue van Villa franka van hyr gereden vnde ys geworden viceroy in Neapolis.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am ersten Augusti quemen tydinge hyr, wo tho wine vnde in Hungern in etlyken ordenn vele scholen fencklich sitten, die de Turcke vthgeschycketh, vm tho bernende steder vnde dorpore antostickende, wo in etlyken orden gheschen ys vnde gedan hebben.
Item quemen ock tidinge, wo des Churfursten von brandenborch houethman, ßo syn Chruf. g. auer syne voetknechte ahnnhem tho Regensborch, Fabian Hyrth genomet, myt synem lutelant sulff VIIII schole gegrepen syn, wente wolde den Turcken togetagen syn, vnde seggen hyr, dath men densuluigen hyr bryngende werth vnde syn recht don.
Item dessuluigen dages sede my doctor Mathias vicecancellarius, wo die lutterschenn stede Kr. Mtt. merklyk hulpe, stur vnde trost don myt busßen, krude, prophande, ruthere, knechte, gelde.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item dessuluigen dages (am drudden augusti) ys Ke. Mtt. wedderumme vthe dem bade to Regensborch ingetagen, in meninge, dar ßo lange tho bliuende, wente dath ohre Mtt. vp synde werde in Hungeren.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 6. Augusti morgens vm seygers VII is to Regensborch ingereden Marckgraue Fridrich van Norenberg myt LXX perde vnde XII drabanten, des anderen dages vorth na wine tho.
Item dessuluigen morgens vm seygers IX byn ick myth groten henßen (?) in eyn hemelich orth gheweßen vnde hebbe gheßen des kaißers banner im talle V myt XII klenen senlin, daryn dubbelde adeler [zuverlick adeler ßo breth alße eyne verkante schyuen] 1 ).
|
|
Seite 96 |
|
3Iem de houetbanner hefft in syck eynen groten adeler ganß swarth, nen schylt in der borst, ys likuth ßo hoch, alße ick lanck byn, vp beyden syden. Dar negest ist eyn bilde alße sunte Jurgen, hefft dat swert bauen syn houeth vnde den draken vnder dem perde; de drake hefft dorch syn lyff dat Burgundisch Cruce; dar nha die beyden columnen myt des keißers rym plus oultre, dar nha sunte andreas, dar na dat Burgundische Cruce, dar hefft sumte andreas de hanth vp. Vppe der anderen syde na dem arn ys ock eyn bilde, wo vppe der anderen syde, alße sunte Jurgen hefft vnder dem perde liggen eynen Turcken, dem ys dat houeth aff, vnde eyn fenlin licht by ehm, dar ys yn eyn halue mhan; dar na de beyden Columnen myt des keyßers rym, dar nha sunte Jacob, dar nha dat burgundische Cruce.
Item dat ander fenlin hefft den almechtigen goedth ym ringe hangende ganß verguldet; dar vore knidt Ke. Mtt. dar na eynen dubbelden arn myth ehnem schitde in der borst, bauen dem wapen des keyßers kron, vp beyden syden de beyden columnen edder sulen myt des keyßers rym plus oultre, dar na dat burgundisch Cruce. Vppe der anderen syden ock ßo.
Item ym drudden fenlin vppe der eynen syden vnßer leuen fruwen bilde; dar nha eyn drake vorhauen in dat burgundisch Cruce jegen dat Marien bilde, myt fulen ader columnen vnde fuit istic (?). Alle fenlin myt klynen klammen dorch vnde dorch vppe dat weste. Vppe der anderen syde funte anne sulffdrudde vnde myth drake vnde Cruce, wo de eyne fide.
Item in dem virden fenlin steyt vppe dei eynen syden sunte cristoffer, vppe der anderen syden sunte barbare myth dem burgundischen Cruce, des keyßers krone twischen bem Cruce vnde des keyßers rym lenges der sulen ganß vthgeschreuen myt groten bockstauen vergoldet.
Item im viften schlichtes eyn dubbelt adeler myt beiden sulen, rime fuit istic (?) vnde burgundisch Cruce.
De grunth aller fenlin gell.
Item dessuluigen dages schyckeden tho Regensborch die van Alm bauen Ił C perde.
Item die van Alm schyckeden vth anerfloth nach I tapper fenlin knechte.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item aw VIII augusti jegen den auenth vm feygers VI is Ke. Mtt. wedderumme vth Regensborch in dath bath
|
|
Seite 97 |
|
getagen, nycht krankheyd haluen, sunder dat de lucht syn Mtt. nycht lyden kan to Regensborch, ys alle tydt vngeschycketh vnbe sunder row. Darsuluest to Abach ist schone luft vnd jacht; de herberge ader dat huß, dar syn Mtt. inne licht, ys hartt an der Dunow gelegen.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 10. Augusti synth hyr tidinge kamen, wo syck die Turcke van der Dunow gegeuen vnde thuth na der Stiermark tho vnde wurde atße huten ader morgen kamen tor neuweu stadt vnde dat belegerenn.
Item hyr is eyn groth tothut van Ruthere vnde knechte, wes (?) den dorch ander orde tuth. Ick hedde nummer gelouet, dath Ke. Mtt. so grote obedientie vnde gehorsam im ryke vnde in sunderheyt dusche nation schulde gehath hebben.
Item die legath, die betther by Ke. Mtt. gheweßen, Laurentius Campegius werth widerumme na wallanth tende, ßo balde de ander legate kumpt Hipolitus de Medicis, mhan is syner dachlyks vorwachtende, warth kamende myt IIIIC perde.
Item dath men betteher ßo harde vnde faste gheholden, dath men Ferdinanden vor nenen Romischen koninge hebben wolde, ys sachter geworden vnde dat banner ys dael geslagen, dat fur ys genslich vthgeloschet.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 11. Augusti des morgens vm seygers VII starff de iunge prynß van dennemarken. Des namiddages vm seygers eyn was ick in dem ghemake, sach ohm vpsniden; dath ingeweyde was gantz sunth, vnde em warth eyn ganß suelueren schottel groth vul herrns ader bregens vth synem houede ghenamen vnde dar na gebalßamert; werth vppe die Capelle gestellet in Kr. Mtt. pallaß, dar schal he sthan, wente tom XXV in Augusto, alße den scholen schen de vigilien, dar na des anderen dages die selmisßen, vnde wenner dath ghyschen, schal mhen eyn yen aff voren to der moder to ginth (?).
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 12. Augustt vm seygers II vppe den namiddach ys de nige legate Hipolitus de Medicis (welkern Ferdinandus Romische Konigl. Mtt. myth der gantzen gwarde inhalde vnde vor die herberge vorde, dar de Churfurste van Brandenborch lach,) ingetagen.
- - - - - - - - - - - - - - - - - - - - - - - -
|
|
Seite 98 |
|
Item am 14 in Augusto synth beydelegaten Campegius vnde Hipolitus de Medicis to dem keyßer tho Abach in dat badth getagen.
Item des dages synth hyr tidinge ghekamen, wo Antoni de Dorio bauen 40 dußent starck myt groten schepen vnde geleyde in de ße gan schal.
Item van dem dage ahn alße de junge prynß gestoruen, is he alle dage in allen lerken beluth worden.
Item am 15 in augusto hebben de Spaniuolen, Itatianer, Neapolitaner, Franzoßen vnde andere eyn statlyke processie vthe dem dome in der Stadth myth allen gystliken vnde religioßen gheholden, gyngen alle nemendes vthgenamen myth bernenden waß lichtein.
Item des dages synth hyr tidinge ghekamen, wo de Turcke von der nuwen Stadth vnde der donow na der Stiermarke in dat gebirge getagen, vm syck tho vill . . . . n vnde wider inth Italiam to tende.
Item od tidinge, wo de konink van Frankryken synen gheschyckeden by dem Turcken hebben schal tho Ouen, desuluige schal od dem waide eyne grote stuer vnde hulpe myt geldt gedan hebben, schal eyn spanniol syn vude ys yn vngnaden des keyßers gefallen vnde hefft syck to dem franzoßen gegeuen.
Item dessuluigen dages ys paltzgraue Frederick myt synen rutern van Regensborch die Dunow dael getagen.
Item am 16 in augusto synth hyr wysse tidinge ghekamen, Romische koninglike Mtt. hefft II poste nach eyn ander gelregen, wo des keyßers vnde koninges solcker in Wine onde Neuwestadt dem Turcken, alße ehr na der Stiermarke getagen, affgeslagen bnde gegrepen scholen hebben VM mhan vnde scholen auer die VIC leuendige turkische perde gekregen hebben vnde etlyk dapper turcken genangen, in sunderheit Inbrahim bassa synen ouerften kemerlinck, dar by sie treffliche Clenode scholen gevunden hebben.
Item am 17 in augusto jegen den auenth is hyr tho Regensborch ingekamen Antoni de Leyua myt XVIII edder XX partesaner syue knechte vnde ruther, synth getagen van Isbruck na Osterrich; alle die Spanniolen halden ohne statlich in; lith syn Rosbon vor gan; dar nha drogen ohne (dewyle in henden vnde voten vnnutte) IIII hellebarderer vppe eyn dynck dar he syck up lende; mhen sach ehm nycht mer alße syn angesicht vnde eyne hanth; dat angesicht was hubsch, ouerst die hanth stund eyn krum.
|
|
Seite 99 |
|
Item am 18 in Augusto is Antoni de Leua, wo he des dages thouoren vor synem intoge by Kr. Mtt. to Abach in dath bath gheweßen, to Romische koninglik Mtt. gheweßen, vnde ohren Mtten. beyde gesecht, worumme ohre Mtten, beide ßo groten merckliken hupen folcks by eynander kamen lethe; wanner he eyn mal hundert dußent mhan hadde, he wolde den Turcken soken vnde ßo vnderrichten, he scholde syck bedencken, wanner he wedderumme in Hungerrn tho lende 1 ).
Item am 19. Augusti is vth Wine tho Regenßborch Inbrahim bassa, syn ouerste kemerlinck, dar van bauen, senklich ingeschycketh worden vnde yn koninglike Mtt. pallaß, dar nha hinder des Biscoppes van Trenth herberge geuoret, desuluige warth nicht verhoret; men secht ock, wo tho Regensborch noch X grote huße kamen scholen van des Turcken solcke, die ße ock sendlich genamen.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 20 in Augusto synt hyr tidinge gekamen, wo des Churfursten houethman van Brandenborch Fabian Hyrth III myle vp genner syth win myt synem lutelant schole gherichtet vnde enthowdet syn, darumme gebeden ys worden.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am XXI in Augusto synth hyr tidinge gekamen, wo by VIII dußent vmme wine her Turckenn getagen vnde gereden, alle lude groth vnde kleyn vermordert vnde ade dat ve, ßo ße auerkamen, hebben ße dot gheslagen vnde liggen lathenn, vnde die Turcke gysst syck wedderumme tho rugge vth.
- - - - - - - - - - - - - - - - - - - - - - -
-
- - - - - - - - - - - - - - - - - - - - -
- - -
Item am 22. Augusti is Cardinalis Campegius van Regensborch wedderumme na Rome gereyßet.
Item am 23. Augusti synth tidinge tho Regensborch gekamen, wo der Turcke vor Guntz IX mile bauen wine III storm vnde eyn treflich solck vorlarenn. Ke. Mtt. ruther scholen darsuluest etlike dappere Turcken geuangen hebben, welke mith pynlike verhoringe bekanth, wo de ock to Regensborch gedan, de dar sith, das die Turcke vpsinth ys vor wine tho rucken, vnde ßo he wine myth hulpe synes godes nomet, wyl he strax na welsche lanth vnde Rome rucken, den pawest strassen.
|
|
Seite 100 |
|
Item van deu geuangen Turcken synth am XXIIII augusti, alße de lude uppe den namiddach vm Regensborch gynck, IIII Turcken, myth keden vm de helße ghespunnen, ingeuoret vnde in des Cardinalis van Trentis herberge gebracht worden.
Dieses Tagebuch, oder Zeitung ("Nigetidinge"), welches ich im großhrzoglichen Geheimen und Haupt=Archive zu Schwerin aufgefunden habe, isst ohne Zweifel eine Aufzeichnung aus eigener Anschauung über den Reichstag zu Regensburg vom 15. Julii bis zum 23. August 1532. Wenn nicht schon alle Begebenheiten und Personen dafür sprächen, so redet dafür z. B. ganz bestimmt der unterm 11. August angeführte Tod des jungen Prinzen (Johannes) von Dänemark, welcher im J. 1532 zu Regensburg während des Reichstages starb. - ferner das Erscheinen der Türken vor Günz, u.s.w. Der Verfasser ist offenbar ein geborner Niederdeutscher, wahrscheinlich ein Meklenburger, welcher diesen werthvollen Bericht zu Hofe nach Meklenburg schickte. Die Handschrift ist klein und ungewöhnlich undeutlich, an manchen Stellen kaum lesbar und hat nur mit der größten Anstrengung während langer und fortgesetzter Bemühungen entziffert werden können. Mitgetheilt ist hier alles, was einigermaßen Werth haben kann, fortgelassen sind kleinere unbedeutende Begebenheiten, z. B. der fortwährende Durchzug weniger Krieger durch Regensbrug, welche immer aufgeführt sind.
