|
Seite 17 |
|
|
|
:
|
3.
Hans Wilmsen Laurembergs
Abgangszeugniß von der Universität.
Von Dr. A. Hofmeister.
In einem Copie=Buch des Universitäts=Archivs zu Rostock (A. 60, fol. 120 b) findet sich folgendes, vom Professor Dr. theol. Johannes Quistorp als Rektor ausgestelltes Attest:
Si umquam cuiquam vitae ac studiorum testimonium lubens perhibui, in praesentiarum certe id summo cum prolubio facio, dum operam eam a me poscit M. Johannes Laurenbergius, juvenis vel invidia teste omnium amore et
|
|
Seite 18 |
|
testimoniis honestissimis dignissimus. Hunc non imbellem feroces progenuere aquilae columbam, sed ut ipsius parens vir clarissimus et doctissimus philosophiae et medicinae doctor et professor eruditione ac virtute claruit, ita hunc eruditionis ac virtutis suae aemulum genuit filium, hoc nomine ter felix, quod emortuus, quae in se viro fuere summa, haec non amiserit moriens, sed in filio redivivus quasi haec eadem possideat. Cui cum felix ingenium et iudicii maturitas praeter aetatem cesserat, statim et a primis annis in eodem apparuit, ita sementem literariam factam esse, ut provectiori aetate uberem messem metere liceret. Nec haec spes eos, qui sibi proventum felicem sperabant, fefellit, sed eorum exspectationem antevertit. Praeter linguarum graecae et latinae non e trivio cognitionem in philosophiae, quam auscultando, meditando, privatim publiceque disputando didicerat, penitiora sacraria se penetravit, ut philosophici apud nos senatus censu a viro doctissimo et clarissimo, domino M. Marco Hassaeo, sanctae linguae professore, anno MDCX. VI. Idus Novembris, tum temporis ejus facultatis decano, artium liberalium et philosophiae magister sit renunciatus illumque quem ante re possederat titulum tunc nuncupatione et publica usurpatione acceperit. Nec postea ignaviae se tradidit, quod multi facere solent, qui se officio defunctos esse et omne eruditionis punctum tulisse censent, si publico testimonio magistri et doctores audiunt, sed id quod ingressus erat literarium stadium porro gnaviter decurrere perrexit. Nec dubitamus eum ita cursurum deinceps, ut strenuo cuique dubiam sit palmam facturus. Haec habuimus quae M. Johanni Laurenbergio pro testimonio dicere voluimus, debuimus. Tu qui haec leges, tenta hominem et cum nos nihil praeter verum dixisse intelliges, juva et promove ejus studia, idque te bono reipublicae literariae facere certissime tibi promitte.
Scriptum et academiae nostrae sigillo insignitum Rostochii a. d. XIV. Calend. Februarii anno MDCXVI.