|
Seite 188 |
|
|
|
:
|
Gewaltthätigkeit
des
Ritters Mathias von Axecow
gegen den
lübecker Dompropst Barthold
Rike
1436.
Das Memorialbuch des lübecker Domes enthält fol. 192a und 201 folgende interessante Aufzeichnung, welche dem Vereine durch den Herrn Professor Dr. Deecke mitgetheilt ist:
fol. 192a. Octaua Laurencii (Aug. 17). Notandum est, quod anno domini 1436 venerabilis vir quondam dominus Bertoldus Diues, decretorum doctor, huius ecclesie prepositus, postquam in die b. Marie Magdalene sacra obtulerat, diaboli satellites de ducatu Magnopolensi procedentes, ex instigatione diabolica Mathie Axcow militis propter certam causam ecclesie Lub., contra ipsum intentatam in terra Holtzazie non longe a ciuitate Lub. captus ipsumque per varia loca inhumaniter circumducentes, tandem ad castrum Zwan Ottonis Vereggen, castellani eiusdem dyocesis Zwerinensis, transductus et incarceratus, ibidem 18 die mensis Augusti, in die b. Agapiti martiris, miserabiliter extinctus fuit et corpus eius ibidem in ecclesia parochiali sepultum ac demum exhumatum et in sarcophago plumbeo depositum ad ciuitatem Lub. translatum, in ecclesia cathedrali retro caput sepulcri dominici in medio ecclesie 28 die mensis eiusdem in die b. Augustini episcopi et confessoris deflebiliter et deuotitissime cum ympnis et canticis defunctorum repositum atque sepultum fuit. Pro cuius memoria leuauit capitulum 100 marcas de curia prepositure provenientes, cum quibus empti sunt 5 marc. redditus in Luneborch pro solum canonicis. Preterea testamentarii dicti domini prepositi dederunt 3 marcas 2 sol. redd. ex Luneborch; inde 21 sol. recipiantur ad peragendum hodie missam cum sequencia dies ire et aliis, sicut in anniuersario quondam domini Nicolai Vordis. Insuper cuilibet canonico liuoni dari debet vnus sol. Re-
|
|
Seite 189 |
|
siduum vero scil. 27 sol. inter vicarios distribuatur. Eadem die venerabilis prepositus huius ecclesie Lub. pro tempore existens tenetur citare 20 pauperes Christi ipsos ad mensam ponendo et post cibum cuilibet 3 den. Lub. dando pro remedio animi dicti Bertoldi, qui dedit omnibus successoribus suis in prepositura vnam sartaginem nouam ad braxandum, pro qua et ferramentis ad eam necessariis 40 m. exposuit, sicut narrat in suo testamento. Similiter legauit eisdem successoribus vnum caldarium magnum muratum pro vsu stuphe cum sartagine predicta, quam et quod quilibet dominus prepositus Lub. pro tempore existens tenetur conseruare in esse iuxta dictamen venerabilis capituli huius ecclesie.
fol. 201. Ruffi martiris (Aug. 27). Notandum ad perpetuam rei memoriam posteris nostris notificandum, quod auctores miserabilis captiuitatis venerabilis viri quondam domini Bertoldi Diues, huius ecclesie Lub. prepositi, per insidias quorundam satellitum Magnipolensium ac mortis inde subsecute in vinculis castri Zwan, Zwerinensis dyocesis, perpetratarum, vt supra 17 die mensis Augusti plenius habetur notatum. Idem satellites, huiusmodi captiuitatis et necis auctores, optulerunt ecclesie nostre Lubicensi in vim emende, pacis et concordie realiterque persoluerunt duo milia et quadringentas marcas Lub., de quibus reuerendus pater dominus et capitulum eiusdem ecclesie Lub. primo deputaverunt ducentas marcas pro memoria perpetua dicti domini prepositi in translacione sui corporis de parrochiali ecclesia dicti castri Zwan, vbi primo sepultum fuerat, ad hanc ecclesiam nostram Lubicensem translatum et sepultum in die beati Augustini episcopi, 28 die mensis Augusti, anticipanda propter celebritatem eiusdem festi peragendam, cum quibus quidem ducentis marcis empti sunt decem marcarum redditus Erfordie, de quibus vicarii et officiantes huius ecclesie habebunt 4 m. Item 30 scolares pauperes quilibet 3 den., magister scolarium
|
|
Seite 190 |
|
et succentor quilibet 15 et quilibet sociorumscole 6 den. Similiter duo scolares et alii chorales officiacionem non habentes quilibet 6 den., et quilibet vicarius siue officians teneatur offerre 1 den. Residuum vero distribuatur inter canonicos, eciam liuones in vigiliis et missa defunctorum interessentes. Et eadem missa debet solempniter decantari cum illo tractu Dies ire. Insuper prefati domini episcopus et capitulum Lub. de premissis pecuniis deputaverunt mille m. pro duobus beneficiis fundandis in capella noua retro summum altare, de bonis supradicti domini prepositi pro horis beate Marie virg. decantandis constructa. Residuum vero suprascriptarum pecuniarum mille et ducentarum m. versum fuit in vtilitatem ecclesie Lub. loco diuersarum grauium expensarum contra premissos iniuriatores in consilio Basiliensi et in curiis pape et imperatoris, necnon in iudicio Westfalico ac coram domino episcopo Verdensi, commissario hic et in partibus per sacrum Basiliense consilium deputato, in huiusmodi lite factarum, de qua causa confectum est longum registrum in armario huius ecclesie repositum et durauit quasi per tres annos. Et est modo sepultus in capella beate Marie virginis. (In margine: Nota, ista peractio translationis semper intimari debet amicis et consanguineis dicti prepositi.)
